اسمك ايه!؟
بانيب ابو لمونه.
وجاي في ايه ي بانيب!؟
– تحرررررش
طبعا كلنا بنسأل مين بانيب ده
بانيب ده ي جماعه اقدم متحرش في التاريخ. اه والله ده حتى اتكتبت فيه بردية اسمها (papyrus salt 124) في المتحف البريطاني في لندن.
المهم الراجل ده كان ريس عمال بيسكن دير المدينة الي كانوا بيسكنواها عمال مقابر وادي الملوك، البردية سجلت قضاية على الراجل بالتحرش الباشمهندس بانيب في يوم كان الشغل ماشي زي الفل بس عجبته وحده شغاله في المقبرة فجذبها إلى الحائط وتحرش بيها ولكن م لحقش يغتصبها علشان العمال شافوه واتقبض عليه.
دي حكاية اول متحرش.
ففي مصر القديمه كان التحرش والاغتصاب من أقذر القضايا الي ممكن تواجه المجتمع علشان كدا حط قوانين للي بيعمل العملة القذرة دي السوده أنه يكون منبوذ من المجتمع لا يقدر يتجوز ولا يقدر يمارس حياته العاديه فكان هو الي بيخجل من فعلته وليست المرأة.
كانت العقوبات بتتغلظ لدرجة قطع الاعضاء التناسلية للرجل أما الأنثى ف كانت بتتقطع مناخيرها ولما توصل العقوبة لأقصى درجة كان الإعدام حرقا.
وهنا بتاح حتب قال:
“إذا كنت تريد أن تكون موفور الكرامة في أي منزل تدخله فلا تقرب النساء، فما من مكان دخله التعلق بهوى النساء إلا وفسد، فمن الحكمة أن تجنب نفسك مواطن الشطط والزلل ولا توردها موارد التهلكة فإن الآلاف من الرجال أهلكوا أنفسهم، وعملوا على حتفهم من أجل تمتعهم بلذة عارضة، تذهب كحلم في لمح البصر”.
والحكيم آني قال:
“كن علـى حـذر مـن المـرأة المجهولـة، لا تطـل النظـر إليهـا عنـدما تمـر بك، ولا تقضى منها وطرا، فقد تراودك عن نفسها، فلا تسـتجب لهـا حتـى فـى غفلة من الناس فالاله يري ، إنهـا جريمـة يسـتحق صـاحبها المـوت عنـدما يشـيع أمرهـا بين الناس”
الخلاصة التحرش فعل شين وشنيع ومنبوذ دينيا وأخلاقيا ومجتمعيا، تحلوا بالاخلاق الكريمه سواء رجال او نساء .
التحرش_عيب_وحرام
