الأخبارفن وثقافة

بلاغ من أكرم حسنى ضد حمو بيكا لسرقة الأخير لحن أغنيته

كتب أحمد حسن إسماعيل

أعلن الفنان أكرم حسنى على حسابه الشخصى علي موقع التواصل الإجتماعى أنه سيتقدم بعمل جميع الإجراءات القانونية اللازمه ضد مغني المهرجانات حمو بيكا وأغنية خد فطيرك وهلا والله بعد إتهامهم بسرقة لحن أغنيته بالباقى لبان الأغنية الرسمية لمسلسل رجالة البيت قائلا الحقيقة دي مش اول مرة اتعرض فيها لسرقة شغلي بس الموضوع وصل لحد مايتسكتش عليه .

انا مش ضد اي شكل من الاشكال الفنية طالما بتتقدم في اطار من الاحترام للمهنة و للمجتمع لكن انا ضد كل اشكال التعدي علي حقوق الملكية الفكرية و سرقة مجهود و تعب ناس قعدت كتير اوي تشتغل
عملت اغنية دعائية لمسلسلي الاخير في رمضان اللي فات اسمها
” بالباقي لبان ” من كلماتي و لحن بلال سرور و توزيع كينج .. و اتفاجأت من يومين ان تم سرقة لحن الاغنية و اتعمل عليها مهرجانين واحد اسمه ” هلا و الله ” و واحد اسمه ” خد فطيرك ” .. و دي مش اول اول مرة ابقي عامل اغاني سواء من الحاني او من الحان زمايلي المحترمين اللي بتعامل معاهم و يتسرق اللحن و يتعمل بيه اغاني و دي ” سرقة ” صريحة تستوجب اتخاذ اجراءات قانونية .


و عليه بيتم حاليا اتخاذ كافة الاجراءات القانونية اللي تحفظ حقي و حق زملائي الملحنين ضد اللي سرقوا الاغنية لوقف المهزلة دي و بتوجه للنقيب المحترم الفنان هاني شاكر نقيب المهن الموسيقية بشكوي ضد من تعدوا علي اللحن الاصلي للاغنية و باتمني يكون في قرارات صارمة لعدم تكرار ده

الاغنية الاصلية :
https://www.youtube.com/watch?v=x2wnYa3HjLg

الاغنية المسروقة ١ :
https://www.youtube.com/watch?v=-S07ecnxWhc

الاغنية المسروقة ٢ :

https://www.youtube.com/watch?v=Ek0RglFwPgI

ملحوظة : اكيد في ناس هتقوللي انت ليه بتعمل شير للاغاني المسروقة انت كده بتساهم في انتشارها .. احب اقولكم الاغاني دي كده كده بتنتشر لان ليها جمهورها سواء عملت لها شير او لا

الوسوم

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock